Şüvəlan istintaq təcridxanasında dustaq özünü və həyat yoldaşını öldürüb - 17 Февраля 2010

Ədliyyə Nazirliyinin Penitensiar Xidmətinin Şüvəlanda yerləşən istintaq təcridxanasında intihar hadisəsi baş verib. Bu barədə MİA-ya məhbus ailələrindən biri məlumat verib.
Qaynar.info xəbər verir ki, adı hələ məlum olmayan dustaq həyat yoldaşından onunla görüşmək üçün təcridxanaya gəlməsini xahiş edib. Görüş zamanı ər və arvad arasında narazılıq yaranıb və dustaq həyat yoldaşını üzərindəki kəsici alətlə qətlə yetirilib. Uzunmüddətli cəzaya məruz qalacağından ehtiyatlanan mərhum dustaq gecə yorğanın altında öz damarlarını da kəsib. Səhər tezdən yoldaşları onun meyitini yatağından tapıblar. Qətlin qısqanclıq zəminində törədildiyi bildirilir.
Məsələylə bağlı Penitensiar Xidmətini mətbuat katibi Mehman Sadıqovla əlaqə saxladıq. M.Sadıqov məsələdən xəbərsiz olduğunu bildirdi: «İcazə verin, mən bu faktı təcridxananın rəisi ilə dəqiqləşdirim, sonra sizə məlumat verim».
Mətbuat katibi ilə ikinci söhbətimizdə məlumatı dəqiqləşdirdiyini deyən M.Sadıqov belə bir hadisənin baş vermədiyini bildirdi. Fikrini isə təcridxanada görüşə yalnız müstəntiqin göstərişindən sonra icazə verilməsiylə əsaslandırdı. //QayNar