|
Sorğu | |
|
|  |
|
Statistika | |
|
| |
|
Главная » 2010 » Mart » 26 » Bakıda polis idarəsində intihar!
21:10 Bakıda polis idarəsində intihar! |
 22 yaşlı Ceyhun Zərbəliyev özünə qəsd edib
Bakıda polis idarəsinin müvəqqəti saxlanma təcridxanasında intihar hadisəsi baş verib. Bu barədə APA-ya Nəsimi rayon Polis İdarəsindən məlumat verilib.
Hadisə martın 25-də axşam saatlarında Nəsimi rayon Polis İdarəsinin müvəqqəti saxlanma təcridxanasında qeydə alınıb. Cinayət Məcəlləsinin 126.2.4-cü (qəsdən sağlamlığa ağır zərər vurma – ümumi təhlükəli üsulla törədildikdə) maddəsi ilə təqsirli bilinərək barəsində həbs qətimkan tədbiri seçilmiş Cəlilabad rayon sakini, 22 yaşlı Ceyhun Zərbəliyev özünə qəsd edib. O, parça ilə özünü təcridxananın dəmir barmaqlıqlarından asıb. Nəsimi rayon Polis İdarəsindən bildirilib ki, təqsirləndirilən şəxsin özünə qəsd etməsi şəxsi həyatı ilə əlaqəlidir.
İşgəncələrə Qarşı Azərbaycan Komitəsinin sədri Elçin Behbudov isə APA-ya açıqlamasında mərhumun işgəncəyə məruz qalması barədə məlumat aldığını söyləyib: "Ceyhun Zərbəliyevin ailəsi artıq hadisə ilə bağlı komitəyə müraciət edib. Ailə üzvlərinin dediyinə görə, meyitin üzərində çoxsaylı xəsarətlər olub. Bu da onun işgəncəyə məruz qaldığını düşünməyə əsas verir. Hər halda daxil olan müraciət tərəfimizdən araşdırılacaq”.
Faktla bağlı Nəsimi Prokurorluğu tərəfindən Cinayət Məcəlləsinin 125-ci (özünü öldürmə həddinə çatdırma) maddəsi ilə cinayət işi başlanıb, araşdırma aparılır.
Nəsimi rayon Polis İdarəsindən Milli.Az xəbər portalına bildirildi ki, C.Zərbəliyev martın 23-də saat 00.25 radələrində həmin rayon ərazisində yaşayan Seyfəddin Abbasovun evində olarkən münaqişə zəminində ona bıçaqla xəsarət yetirib. C.Zərbəliyev Nəsimi RPİ 19-cu polis bölməsi əməkdaşları tərəfindən tutulmuşdu.
|
|
Просмотров: 638 |
Добавил: RomantiC
| Рейтинг: 0.0/0 |
|
|
Axtarış | |
|
| |
|
