Hadisə qısqanclıq zəminində baş verib

 

Dünən günorta saatlarında Şəmkir rayonunda qardaş qardaşı baltalayıb. Bu barədə Daxili İşlər Nazirliyindən məlumat daxil olub. Məlumata görə, rayonun Təzəkənd kəndi sakini Yaşar Məmmədov qısqanclıq zəminində qardaşı Elmar Məmmədova balta ilə xəsarət yetirib. Xəstə təcili olaraq Mərkəzi Rayon Xəstəxanasının reanimasiya şöbəsinə yerləşdirilib. Hazırda onun vəziyyəti orta-ağır olaraq qalır. Şəmkir Rayon Polis Şöbəsindən verilən məlumata görə, keçirilən əməliyyat-axtarış tədbirləri nəticəsində Yaşar Məmmədov həbs edilib. Faktla bağlı Rayon Polis Şöbəsində Azərbaycan Respublikası Cinayət Məcəlləsinin müvaffiq maddəsi ilə cinayət işi başlanıb, araşdırma aparılır. //ANS Press